<<<ကမ္ဘာ့စံချိန်တင်ခဲ့သော မြေခွေးမီးလျှံ>>>
Mozilla Firefox 3 Versionသစ်အား ကမ္ဘာတစ်ဝန်းရှိ အင်တာနက်သုံးစွဲသူများက စတင်ထွက်ရှိသည့် အချိန်မှစ၍ ၂၄နာရီအတွင်း Download ဆွဲချမှုအရေအတွက်မှာ ကမ္ဘာ့စံချိန်တင်ခဲ့ကြောင်းသိရသည်။

လွှင့်တင်ပြီး ငါးနာရီအတွင်း Downloadလုပ်သူအရေအတွက်ကပင် ယခင် Version များထွက်ရှိသည့် ပထမနေ့၌ Download ပြုလုပ် သည့် ပမာဏကိုကျော်လွန်သွားခဲ့သည်။ Firefox သုံးစွဲသည့် အင်တာနက်အသုံးပြုသူများ ၀ိုင်းဝန်း၍ စံချိန်တင်နိုင်ရန် ကြိုးပမ်းခဲ့ခြင်း ဖြစ်သည်။ အင်တာနက်မှ Download ဆွဲချယူမှုအများဆုံးစံချိန်မျိုးမှာ ယခင်က ဂင်းနစ်ကမ္ဘာ့မှတ်တမ်းတွင် ထည့်သွင်းခဲ့ခြင်းမရှိသော် လည်း ယခုစံချိန်ကို အသိအမှတ်ပြုခံသွားရရန် စီစဉ်ထားသည်။

Firefox 3 ၌ ၀င်နေကျဝက်ဘ်ဆိုက်များ သီးသန့်မှတ်သားနိုင်မှု၊ ဗိုင်းရပ်စ်ကူးစက်စေသော ၀က်ဘ်ဆိုက်များအား ပိတ်ပင်မှုနှင့် အခြားမြန်နှုန်းမြင့်ဝန်ဆောင်မှုများ ပါဝင်သည်။

Mozilla Firefox browserသည် မိုက်ခရိုဆော့ဖ်ကုမ္ပဏီ၏ Internet Explorer ပြီးလျှင် ကမ္ဘာတစ်ဝန်း လူသုံးအများဆုံး Browser ဖြစ်သည်။